You are here: Home / Үйл Явдал / Сибирь ба ОХУ-ын алс дорнодын газар зүйчдийн XV их хурал

Сибирь ба ОХУ-ын алс дорнодын газар зүйчдийн XV их хурал

Event details

When

Sep 10, 2015 04:00 AM to
Sep 14, 2015 04:00 AM

Where

ОХУ, Улан-Үд

Add event to calendar

"ОХУ-ын дорно хэсгийн газар нутгийн газар зүйн, нийгэм-эдийн засгийн, байгаль орчны болон этно-соёлын хөгжлийн хүчин зүйлүүд" сэдэвт  Сибирь ба Орос улсын алс дорнодын газар зүйчдийн XV их хурал 9-р сарын 10-14 өдрүүдэд анх удаа Улан-Үд хотод  болж өнгөрөв.

ОХУ-ын газар зүйн ухаанд тулгарч буй эн тэргүүний асуудлууд болон ОХУ-ын эдийн засаг ба геополитикийн хүчин зүйлүүд, байгаль орчны өнөөгийн төлөв байдал ба Сибирийн нийгэм-эдийн засгийн байдал 21-р зууны эхэнд, Орос улсын дорнод хэсгийн газар нутгийн судалгаанд газар зүйн ухааны гүйцэтгэх үүрэг роль болон өөр бусад олон чухал асуудлыг хөндөн ярилцав.

Бүгд хурал эхлэхийн өмнө "Байгаль нуурын сав газрын экологийн атлас"-ыг танилцуулав. Их дээд сургууль, номын сан, музей болон байгаль хамгаалах бүтцийн байгууллагуудын төлөөлөгчдөд атласыг гардуулан өгөв. Тулохонов Арнольд Кириллович - ОХУ-ын ШУА-ийн гишүүн, ОХУ-ын Холбооны зөвлөлийн гишүүн, ОХУ-ын ҮУА-ийн Сибирийн салбарын Байгаль нуурын Хүрээлэнгийн ахлах судлаач  хурлын төлөөлөгчдөд хандаж үг хэлэв.

Хурлын хүрээнд дугуй ширээний ярилцлага зохион байгуулж  XXI -р зууны байр зүйн зургийн цахим хувилбарыг сайжруулах хөтөлбөрийг хэлэлцэв.  Бүс нутгийн суурь ба хэрэглээний газар зүйн хөгжилд хийж буй шинжлэх ухааны судалгаанууд ямар их үүрэг гүйцэтгэж байгаа талаар цохон тэмдэглэв.

Сибирь ба Орос улсын алс дорнодын газар зүйчдийн XV их хурлыг дараах байгууллагууд зохион байгуулав. Үүнд: ОХУ-ын Газар Зүйн Нйигэмлэгийн Буриад Улсын салбар, ОХУ-ын ШУА-ийн Сибирийн салбарын Байгаль Ашиглах Байгаль нуурын Хүрээлэн, ОХУ-ын ШУА-ийн Сибирийн салбарын В.Б. Сочавын нэрэмжит Газар Зүйн Хүрээлэн, ОХУ-ын ШУА-ийн Алс Дорнодын салбарын Номхон далайн Хүрээлэн, Буриад Улсын Их Сургууль.  ОХУ-ын суурь судалгааны сан болон НҮБХХ-ДДБОС-гийн "Байгаль нуурын сав газрын хил дамнасан экосистемийн байгалийн нөөцийн нэгдсэн менежмент" төсөл тус тус санхүүгийн дэмжлэг үзүүлэв.

http://www.rgo.ru/ru/article/soveshchanie-geografov-sibiri-i-dalnego-vostoka

Document Actions
Navigation
« March 2024 »
March
MoTuWeThFrSaSu
123
45678910
11121314151617
18192021222324
25262728293031