Мэдээ (MN)

БНУлсын хэмжээнд зарласан "аялал жуулчлалын мэргэжлийн тэргүүлэгч" уралдаанд аялал жуулчлалын салбарын байгууллагуудын хамгийн сайн ажилтнуудыг сонгон шалгаруулсан юм. Урадааны гол зорилго жуулчдад үзүүлж буй үйлчилгээний чанарыг дээшлүүлэх, хөдөлмөрийн нэр хүндийг өргөх болон Буриад улсын аялал жуулчлалын салбарын ажилтнуудын идэвхийг сэргээхэд оршино.

Уралдааныг Аялал жуулчлалын агентлаг Улаан-Үд хотын Захиргааны үйлдвэрлэл, хэрэглэгчдийн зах зээл ба аялал жуулчлалын Хороо, Дорнод Сибирийн соёл урлагийн улсын академи болон НҮБХХ-ДДБОС-гийн "Байгаль нуурын сав газрын хил дамнасан экосистемийн байгалийн нөөцийн нэгдсэн менежмент" төслийн оролцоотой зохион байгуулсан болно.
"Эко-Аялал жуулчлалын салбарын хамгийн сайн хөтөч-хөтлөгч" номинацийн ялагч Елена Мясниковад, "За Байкалом" ХХК, Байгаль нуурын төсөл өөрийн шагналаа гардуулав.

“Байгаль нуурын талаарх харилцан яриа” Форум нь 2013 оны 8-р сарын 22-нд Буриад улсад болно. Энэхүү Форумаар Байгаль нуурын Тусгай Хамгаалалттай Газруудын асуудлыг ярилцах юм. Форумыг ОХУ-ын Төрийн Думын байгалийн нөөц, байгаль орчин ба экологийн хороо, Төрийн Думын гишүүдийн Байгаль нуурын нийгэмлэг, Буриад улсын Засгийн Газар ба Үндэсний Хурал болон Байгаль нуурыг хадгалж үлдээхэд дэмжлэг үзүүлэх сан зэрэг байгууллагууд зохион байгуулж байна. Форумын зорилго нь Байгаль нуурыг хадгалж хамгаалах ба нуурын бүс нутгийг тогтвортой хөгжүүлэх төслүүдийг боловсруулан бэлэн болгох байнгын ажиллагаатай бүс дундын яриа хэлэлцээний индэр байгуулахад оршино.

НҮБХХ-ДДБОС НҮБ-ын ХХ/ДДБОС-гийн “Байгаль нуурын сав газрын хил дамнасан экосистемийн байгалийн нөөцийн нэгдсэн менежмент” төслийн менежер Сергей Куделя ОХУ ба Монгол улсын хоорондын хилийн усыг хамгаалах болон тогтвортой менежментийг эрхлэх хууль эрх зүйн, институцийн хүрээний өнөөгий байдал болон эрчимжүүлэх боломжуудын талаар танилцуулна.

2013 оны 8-р сард Душанбе хотод болох усны хамтын ажиллагааны талаарх олон улсын өндөр түвшний конференцийг зохион байгуулах талаар Тажикийн Төрөөс тавьсан саналыг НҮБ-ын Ерөнхий Ассамблей хүлээн авч, “Усны хамтын ажиллагааны олон улсын жилийн хэрэгжилт, 2013” нэртэй өөрийн A/RES/67/204 тоот тушаал гарган зөвшөөрөв. Душанбегийн конференц Олон Улсын Усны Хамтын Ажиллагааны жилийн зорилтуудыг өөртөө агуулсан юм.

Конференци нь Нью Йорк хотод болсон өндөр түвшний ярилцлага болон 2013 оны 3-р сарын 22-ны өдөр-Дэлхийн Усны Өдрийг тохиолдуулан Гаагад зохион байгуулсан өндөр түвшний форум болон усны хамтын ажиллагааны талаарх өөр бусад олон улсын ба бүс нутгийн арга хэмжээнүүд дээр суурилах ба үзэл санааг нь үргэлжлүүлэн даган мөрдөх болно.

Олон Улсын Усны Хамтын Ажиллагааны жилийн зорилтуудад хүрэхэд энэхүү конференци өөрийн хувь нэмрээ оруулах юм, тухайлбал:

· Олон улсын гэрээ хэлэлцээрийг хэрэгжүүлэх талаарх улс төрийн амлалт болон үйл ажиллагааг дайчлан нэмэгдүүлэх;

· Илүү өргөн хүрээг хамрах сурталчилгааны кампанит ажил явуулж, илүү үр дүнд хүргэх усны хамтын ажиллагаа ба харилцан ярилцаж байх боловсролыг олгох;

· Амжилттай хэрэгжүүлсэн бодлогыг түгээж, тэргүүн туршлагыг солилцох ажлыг нутгийн, үндэсний, бүсийн болон олон улсын түвшинд хөхүүлэн дэмжих;

· Төр ба хувийн хэвшлийн, түүнчлэн нутгийн хүмүүс ба орон нутгийн төр, захирганы байгууллагуудын хоорондын түншлэл, хамтын ажиллагааг эрчимжүүлэх;

· Олон улсын ба бүс нутгийн хамтын ажиллагааг нэмэгдүүлэх.

Дэлхийн олон үндэстэн ба тэдгээрийн хүн амд тулгарч буй асуудал бэрхшээлүүдийг тодотгон харуулсан тусгай үзэсгэлэн гаргана.

Цэнгэг усны талаар урган гарч буй асуудлыг зохицуулах, хамтран ажиллах түүнчлэн улс орнуудын Засгийн Газрууд, олон улсын ба бүс нутгийн байгууллагууд, бизнесийн болон иргэний нийгмийн бусад төлөөллүүдээс гаргаж буй хүчин чармайлтыг нэгтгэхийн тулд 2010 оны 12-р сард Тажик улсын Засгийн Газраас санаачлан нэг хэсэг орнуудаас хамтран өргөн барьсан төслийн дагуу НҮБ-ын Ерөнхий Ассамблей 2013 оныг Олон Улсын Усны Хамтын Ажиллагааны Жил (тушаал A/RES/65/154) болгон зарласан юм.

НҮБХХ-ДДБОС “Байгаль нуурын сав газрын хил дамнасан экосистемийн байгалийн нөөцийн нэгдсэн менежмент төслийн Монгол Техникийн захирал Содномын Төмөрчөдөр төслийн хэрэгжилтийн талаар танилцуулга хийнэ.

“Монгол орны өндөрлөг газар ба орчмын бүс нутгуудын Байгаль Орчин ба Тогтвортой Хөгжил” олон улсын эрдэм шинжилгээний конференци Улаан-Үд хотод болно.

Конференцийн зорилго нь Монгол орны өндөрлөг газар ба орчмын бүс нутгуудын Байгаль Орчин ба Тогтвортой Хөгжлийн талаарх асуудлаар олон улсын эрдэм шинжилгээ судалгааны буюу боловсролын түвшинд санал солилцох ба хамтын ажиллагааг дэмжихэд оршино.

Сэдвүүд:

· Байгаль орчны өөрчлөлт ба байгаль шинжлэлийн газар зүй

· Байгалийн нөөцийн менежмент

· Газар ашиглалт ба хөрсний бүрхэвчийн өөрчлөлт

· Нийгэм-эдийн засгийн газар зүй, аялал жуулчлал

· Хотжилт ба Монгол орны өндөрлөг дэх бүс нутгийн хөгжил

· Нүүдлийн соёл ба менежмент

Арга хэмжээ зохиогдох газар:

Сахьяновын гудамж, Улаан-Үд хот, БНБур.Улс, ОХУ, Байгаль нуурын байгаль ашиглах хүрээлэн.

Конференцийн ажлын хэл: Орос, Англи.

2013 оны 7-р сарын 30-ны өдрөөс 8-р сарын 2 –н хүртэл Буриад улсын олон улсын экологийн боловсролын төв “Истомино”-д БОНХЯ, Байгаль хамгаалах цагдаагийн иргэний хяналт, олон нийтийн “Ногоон танхим” зэрэг Монголын байгууллагуудын түүнчлэн Байгалийн нөөцийн яам, улсын ойн аж ахуйн агентлаг, Буриад улсын байгаль орчны хяналтын алба зэрэг Буриад улсын байгууллагуудын экспертүүд оролцсон “Байгаль нуурын сав газар дах хүрээлэн буй орчны асуудлууд ба тэдгээрийг шийдвэрлэхэд ногоон эдийн засгийн гүйцэтгэх үүрэг роль” сэдэвт семинар болов.

Семинарыг НҮБХХ-ДДБОС-гийн “Байгаль нуурын сав газрын хил дамнасан экосистемийн байгалийн нөөцийн нэгдсэн менежмент” төсөл зохион байгуулсан. Семинарт 40 гаруй хүн оролцсон.

Семинарын гол зорилго – “ногоон эдийн засаг” үүсэн бий болох явцыг ярилцах ба экологийн асуудлуудыг хамтран шийдвэрлэхэд төр, нийгэм, бизнесийн салбарын хүчин чармайлтыг нэгтгэх түүнчлэн байгалийн нөөц баялгийг ашиглахад экологийн аюулгүй байдлыг хангах явдлыг дээшлүүлэх талаар практик зөвлөмжүүдийг боловсруулж гаргах. “Ногоон эдийн засаг” гэдэг нь НҮБ-ын Байгаль Орчны Хөтөлбөрөөс гаргасан тодорхойлолтын дагуу “хүмүүсийн сайн сайхан аж төрөх байдлыг дээшлүүлж, нийгмийн эрх тэгш байдлыг хангахын сацуу байгаль орчинд үзүүлэх эрсдэл болон доройтлыг мэдэгдэхүйц бууруулах тийм эдийн засгийн хэлнэ” гэж томъёолсон байна.

Загрузить сборник

2013 оны 6-р сарын 17-ны өдөр төрийн Дума-д "Хил дамнасан усны асуудал" сэдэвт сонсгол тавив.

Орос, Монгол хоёр улсын  хилийн усыг хамагаалах болон тогтвортой менежментийг эрхлэхэд хамтран ажиллах хууль эрх зүйн ба институцийн хүрээний өнөөгий байдал ба цаашид сайжруулах боломжуудын талаар төслийн ОХУ-ын техникийн захирал танилцуулав.
Дума-с гаргасан зөвлөмжүүдийн нэг нь Сэлэнгэ мөрөн дээр далан барьж  болзошгүй байгаа Монголын төлөвлөгөөнд байгаль орчны нөлөөллийн үнэлгээ хийлгэх тухай байв.

Буриад улсын засгийн газар Холбооны аялал жуулчлалын агентлагтай хамтран 2013 оны 7-р сарын 11-13-ны өдрүүдэд Улаан-Үд хот ба Байгал нуурын хөвөөнд “Байгаль нуур+20 Эко аялал жуулчлал” Олон улсын Форум зохион байгуулав.

Форум нь Байгаль хамгаалах жилийн ажлын хүрээнд зохион байгуулагдсан ба байгалийн аялал жуулчлалыг хөгжүүлэх орчин үеийн чиг хандлага, стандартын талаар ярилцах, Байгаль нуурын бүсэд экологийн баримжаатай хөгжлийн арга туршлага хуваалцах, экологид ээлтэй техник ба бүтээгдэхүүн хэрэглэх, эко- боловсрол, эко- аялал жуулчлалын хамтын ажиллагааг өрнүүлэх зэрэг ажлын суурь болж өгөх юм.

“Эко-аялал жуулчлалыг хөгжүүлэх: төр ба нийгмийн бизнесийн санаачлага ба хамтын ажиллагаа” дугуй ширээний ярилцлага зохион байгуулахад НҮБ-ын ХХөтөлбөр-ДДБОС “Байгаль нуурын сав газрын хил дамнасан эксистемийн байгалийн нөөцийн нэгдсэн менежмент” төсөл дэмжлэг үзүүлэв.

- дэлгэрэнгүй мэдээллийг дараах вэб хуудаснаас авна уу: http://baikal.iwlearn.org/mn/events-1/miezhdunarodnyi-ekologho-turistichieskii-forum-ekoturizm-na-baikalie-20#sthash.KkJeupyo.dpuf

download the round table articles...

ОХУ-ын ерөнхийлөгч В.В. Путины 2012 оны 8-р сарын 10-ны өдрийн №1157-р тушаалын дагуу Хүрээлэн буй Орчинг Хамгаалах жилийн ажлын хүрээнд энэхүү конференцийг зохион байгуулав.

Зохион байгуулагчид: ОХУ-ын Байгалийн Нөөцийн Яам, Буриад улсын Засгийн Газар, ОХУ-ын ШУА-ийн Сибирийн салбар, Төрийн Думын гишүүдийн Байгаль нуурын нийгэмлэг, Байгаль нуурыг хадгалж үлдээхэд дэмжлэг үзүүлэх сан, Оросын Газар Зүйн Нийгэмлэг.

Оршил. Байгаль нуурын бүс нутгийн тогтвортой хөгжлийн нэг гол хүчин зүйл бол нийгэм-эдийн засгийн хөтөлбөрүүдийг шинжлэх ухааны судалгаанд тулгуурлан хэрэгжүүлэх явдал юм. Урьд өмнө ийм арга хэмжээ 5 жил тутамд Холбооны Яамдын оролцоотойгоор Холбооны улсууд ба Сибирийг бүхэлд нь хамарсан үйлдвэрлэлийн хүчин чадлыг хөгжүүлэх чиглэлийн томоохон конференцийн хүрээнд явагддаг байсан.

Ийм зэрэглэлийн олон улсын конференц хамгийн сүүлд 1994 ба 1998 онуудад ОХУ-ын ШУА-ийн Сибирийн салбарын удирдлагуудын санаачлагаар Улаан Үүд хотод зохиогдсон байна. Үүний үр дүнд Байгаль нуур болон түүний бүс нутгийн байгаль хамгаалах асуудал, тогтвортой хөгжилд дэлхийн нийтийн анхаарлыг хандуулж чадсан ба Байгаль нуурыг ЮНЕСКО-гийн дэлхийн байгалийн өвд бүртгүүлж, “Байгаль нуурыг хамгаалах” хууль болон Байгаль нуурын талаар Холбооны анхны 2 том хөтөлбөрийг (1994, 2001 онд) батлуулсан юм.

Энэхүү цаг үеэс хойш шинжлэх ухааны хөтөлбөрүүд ерөнхийдөө зогсож үндсэн үйл ажиллагаа нь Байгаль нуурын эдийн засгийн форум зохиох ба хөрөнгө оруулалт олоход чиглэгдэх болсон юм.

Конференцийн зорилго. Шинээр байгуулагдсан Алс Дорнодыг Хөгжүүлэх Яам болон ОХУ Дэлхийн Худалдааны Байгууллагад элссэн зэрэг нийгэм-эдийн засгийн шинэ нөхцөл байдал дор Байгаль нуурын бүс нутгийн хөгжлийг дэмжих ба нуурыг хамгаалах шинжлэх ухааны хөтөлбөрүүдийг хэлэлцэх. Дэлхийн Байгалийн өв болсон Байгаль нуурыг хадгалан үлдээх зорилтыг биелүүлэхэд олон улсын байгууллагуудыг татан оролцуулах.

Конференцийн захиалгат гол гол илтгэлүүдийг Холбооны эдийн засгийн болон байгаль хамгаалах байгууллагууд, төрийн томоохон корпорацууд, орос болон гадаадын тэргүүлэх зэргийн эрдэмтэд, байгаль хамгаалах олон улсын байгууллагуудад танилцуулах ёстой юм.

Хөтөлбөр ба үндсэн чиглэлүүд:

-Холбооны зорилтот хөтөлбөр- “Байгаль нуурыг хамгаалах ба Байгаль нуурын Тусгай Хамгаалалттай Газруудын нийгэм-эдийн засгийн хөгжил” өнгөрсөн, одоо ба ирээдүйд;

- “Байгаль нуурыг хамгаалах” тухай ОХУ-ын хууль ба түүнийг хэрэгжүүлэхэд тулгарч буй бэрхшээл;

- Байгал нуур дах олон улсын хамтын ажиллагаа: үр дүн ба ирээдүй;

- Тогтвортой хөгжлийг хангах үүднээс байгаль болон нийгэмд болж буй үйл явцад мониторинг хийх;

- Экологийн мэдлэг бүхий соёлыг төлөвшүүлэх ба олон нийтийн байгууллагуудын үүрэг роль;

- Тусгай Хамгаалалттай Газар Нутгийн сүлжээг хөгжүүлэх;

- Аж үйлдвэр ба газар тариалангийн салбар дах “ногоон” эдийн засаг;

- Эрчим хүчний салбарын тогтвортой хөгжил ба бүс нутгийг байгалийн хийгээр хангах асуудлууд;

- Сэлэнгэ мөрний хил дамнасан сав газар буюу хил хязгааргүй мөрөн;

- Байгаль нуурын ТХГН-т байгалийн нөөц баялаг ашиглах эдийн засгийн зохицуулалт;

- Байгаль нуур дах целлюлоз-цаасны үйлдвэрийн өнөөгийн байдал ба ирээдүй;

- Экологийн төв бүс дэх байгаль хамгаалах үйл ажиллагааг зохицуулах механизм;

- Экологийн хязгаарлалтын нөхцөл дэх нийгэм;

- Даяарчлалын нөхцөл дэх Байгаль нуурын ТХГН-ийн тээвэр болон дэд бүтэц;

Байгаль нуурын байгууллага дундын коммисс байгуулагдсаны 20 жилийн ойн хурлыг Конференцийн хүрээнд зохион байгуулахаар санал тавьсан.

“Леман нуур-Байгаль нуур: Европ ба Оросын хамтын ажиллагаа” олон улсын агаарын экспедицийн гарааг эхлүүлэнэ.

Эрхүү болон Байгаль нуурын хөвөөнд болж өндөрлөсөн "Сибирь ба Алс Дорнодын гол мөрнүүд" олон улсын конференцийн хүрээнд "Байгалийн нөөц баялгийг хэмнэж орлох эх үүсвэр болгох зорилгын үүднээс байгалийн аялал жуулчлалыг хөгжүүлэх боломжууд" сэдэвт дугуй ширээний ярилцлага зохион байгуулав. Гарсан зөвлөмжүүдийг боловсруулж конференцээс гаргасан баримт бичигт тусгасан болно. Жишээ нь: "НҮБХХ-Кока Кола төслийн амжилттанд хүрсэн туршлагуудыг олон улсын бусад төслүүдэд болон Байгаль нуурын төсөлд 2013-2015 онд авч ашиглах".

Найроби, 2013 оын 2-р сарын 22 өдөр - Эдийн засгийнхаа нэг том салбар болох уул уурхайгаас шилжилт хийж Ногоон Эдийн Засагт тэргүүлэх ач холбогдол өгч, байгаль орчны талаарх сурталчилгааг залуучуудын дунд дэмжиж буй Монгол орон энэ жилийн 6-р сарын 5-нд Дэлхийн Байгаль Орчныг Хамгаалах Өдрийг хариуцан зохион байгуулах юм. НҮБ-ын Байгаль Орчны Хөтөлбөр (UNEP) –өөс Монгол орныг Байгаль Орчныг Хамгаалах Өдрийн гол зохион байгуулагчаар зарлав.

Credit: Shutterstock

More details...

"Сэлэнгэ - хил хязгааргүй мөрөн" үндэсний зөвлөгөөнийг ДДБОС-НҮБХХ "Байгаль нуурын сав газрын хил дамнасан экосистемийн байгалийн нөөцийн нэгдсэн менежмент" төслийн хүрээнд  НҮБ-ын БШУСБ, Монгол улсын Усны Үндэсний Хороо болон БОНХЯам хамтран 2013 оны 6-р сарын 4-ний өдөр Улаанбаатар хотноо зохион байгуулав.

Зөвлөгөөнд тусгайлан илгээлт явуулсан Монгол Улсын Ерөнхий Сайд Н. Алтанхуягийн ивээл дор тус Зөвлөгөөн зохион байгуулагдав. Ерөнхий сайдын илгээлтийг зөвлөгөөний хөтөлбөр-урилгад монгол хэлд дээр хэвлэн гаргасан.

Зөвлөгөөнөөр бохирдлын үнэлгээ хийсэн судалгааны тайлангийн эцсийн хувилбарыг хэлэлцэв. Зөвлөгөөнд оролцогчид үнэтэй санал гаргасан ба тэдгээрийг тайлангийн эцсийн хувилбарт тусгасан болно.

Зөвлөгөөнд Яамдууд болон устай холбоотой төрийн байгууллагууд, голын сав газрын захиргаад, олон улсын байгууллагууд, дээд сургуулиуд, ШУА ба харьяа хүрээлэнгүүд, ТББ-ууд болон хувийн хэвшлийн салбараас 30 гаруй оролцогчид хамрагдсан байна. Монголын төр болон Усны Үндэсний хороо санаа тавьж зөвлөгөөнийг Төрийн ордонд хийх боломжийг олгосон юм.

Дэлхийн Байгаль Орчны Өдрийг Монгол улс хүлээн авч тэмдэглэн өнгөрүүлэх үйл ажиллагааны хөтөлбөрийн  хүрээнд “Байгаль орчин” сэдэвт үзэсгэлэн, байгаль орчны салбарт гадаад улс орон олон улсын байгууллагын буцалтгүй тусламжаар хэрэгжиж буй  төсөл, хөтөлбөрийг танилцуулах арга хэмжээ 2013 оны 6 дугаар сарын 03-ны өдөр Сүхбаатарын талбайд зохион байгуулагдлаа. Уг арга хэмжээнд “Байгаль нуурын сав газрын хил дамнасан экосистемийн байгалийн нөөцийн нэгдсэн менежмент” төсөл амжилттай оролцож,  төслийн зорилт, хэрэгжих үйл ажиллагаа, үр дүнгийн талаар тайлбарлах, зарим гарсан үр дүнгээ танилцуулах, гарын авлага материал тараах зэргээр олон нийтэд сурталчлах ажлыг хийлээ.

Төсөл хуулийн ахлах зөвлөх авна. Ажлын зар НҮБ-ын Төслийн Үйлчилгээний Албаны албан ёсны вэб хуудсанд: нийтлэгдсэн болно.

Төсөл бохирдуулагч бодисын хэмжээг бууруулахад чиглэгдсэн экологийн хөрөнгө оруулалтын зөвлөмж боловсруулах зөвлөх авна. Ажлын зар мэдээ НҮБ-ын Төслийн Үйлчилгээний Албаны албан ёсны вэб хуудсанд нийтлэгдсэн болно.